Фудбалската репрезентација на Австрија ја совлада Норвешка со 5-1 и се израмни на врвот на табелата со седум бода, колку што имаат и Норвежаните, но и Словенците.
Марко Арнаутовиќ во осмата минута донесе водство за Австрија, но израмни Александер Сорлот во 39.минута.
Арнаутовиќ во 49.минута повторно донесе предност, а Филип Линхарт девет минути подоцна зголеми на 3-1. Стефан Пош го постигна четвртиот гол за Австрија, а дебаклот на Норвешка г потврди Михаел Грегорич.
Во нашата група, Фарски Острови ремизираше против Летонија (1-1). Ханус Соренсен во 40.минута обезбеди водство за Фарски Острови, а израмни Дарио Ситс во 69.минута.
