Аврамовски двоен стрелец за Болуспор

Македонскиот интернационалец Даниел Аврамовски продолжува да импресионира во Втората лига на Турција, каде игра одлично во дресот на Болуспор. Тој беше стрелец на два гола во триумфот од 3-1 против Аданаспор.

Аврамовски го постигна првиот гол во 43. минута, зголемувајќи на 2-0, а потоа беше стрелец и на уште еден погодок во 73. минута, поставувајќи го конечниот резултат, 3-1.

Аврамовски стигна до девет гола оваа сезона и во моментот е трет стрелец во шампионатот.