Антоан Гризман и следната сезона ќе игра во Атлетико откако мадридскиот клуб побара од Барселона да ја продолжи позајмицата за уште една година.
Доколку Гризман игра на повеќе од 50 проценти од натпреварите за Атлетико Мадрид, тогаш мадридскиот клуб ќе мора да го откупи за сума од 40 милиони евра.
Французинот во моментот е голем проблем за Атлетико Мадрид. На „Ванда Метрополитано“ пристигна белгискиот интернационалец Аксел Витсел на слободен трансфер, но тој не може да биде регистриран поради проблемите на клубот со финансискиот фер-плеј.
