Аргентинскиот интернационалец Лаутаро Мартинез најверојатно ќе го напушти Интрер до крајот на летниот преоден рок. Тој го промени агентот и размислува за заминување од „Џузепе Меаца“.
Аргентинскиот напаѓач има договор со „нероаѕурите“ до јуни 2023 година. Играчот има високи барања за неговиот нов договор, а Интер не може тоа да си го дозволи. Италијанскиот шампион е подготвен да го продаде доколку добие понуда од 80 милиони евра.
Арсенал има интерес за Мартинез, но се чини дека во моментов нема финансиска можност за сериозна понуда. Покрај тоа, самиот играч нема голема желба да оди таму. Во трката повторно се вклучува Атлетико Мадрид.
Тренерот Диего Симеоне сака во Лаутаро Мартинез да ги вложи парите од продажбата на Саул Нигез. Сепак, тоа би била само половина од сумата која е потребна за ангажман на Лаутаро Мартинез.
