Шпанскиот прволигаш Атлетико Мадрид соопшти дека доживотно суспендираше девет навивачи поради насилни и расистички дела извршени кон крајот на септември и почетокот на октомври, особено за време на дербито против Реал Мадрид.
За време на натпреварот меѓу Атлетико и Реал во Ла Лига на 29 септември, од трибината на која беа сместени навивачите на Атлетико беше фрлена пиротехника на теренот.
Неколку дена подоцна, на 2 октомври, на гостувањето кај Бенфика во Лисабон во Лигата на шампионите, Атлетико беше казнет од УЕФА поради „расистичко и дискриминаторско“ однесување на навивачите.
Сето ова доведе до тоа Атлетико да изрече казна за доживотна забрана за деветмина свои навивачи.
