Италијанскиот репрезентативец Џанлука Скамака се здоби со сериозна повреда, поради која најверојатно ќе го пропушти поголемиот дел од сезоната во Серија А и нема да игра следните осум месеци, пренесуваат италијанските медиуми. Напаѓачот на Аталанта има истовремено скинати два вида лигаменти и менискус, поради што денес ќе биде подложен на операција.
Скамака се повреди сам за време на вчерашниот пријателски натпревар против Парма (1-4) при обид да ја контролира топката.
Тој беше дел од составот на Италија на минатото Европско првенство и важен играч за Аталанта, но сега го очекува долга пауза.
