Италијанскиот репрезентативец Матео Ретеги е блиску до трансфер од Џенова во Аталанта. Според информациите од Италија, двата клуба речиси постигнале договор за трансфер вреден 22 милиони евра, плус 3 милиони евра во форма на бонуси.
Шампионот во Лига Европа се реши за оваа опција откако Џанлука Скамака доби тешка повреда и нема да се врати пред пролетта.
Ретеги, кој беше дел од составот на „сквадра аѕура“ на ЕВРО 2024, е во Серија А само од минатото лето. Тој заврши со девет голови и три асистенции во 31 натпревар за Џенова во првенството и во Купот на Италија.
