Менаџерот на Арсенал, Микел Артета, беше бесен по ремито 1-1 со Брентфорд. Тој се пожали на судиите кои, според него, не требало да го признаат голот на противникот бидејќи имало офсајд. Шпанецот вели дека судиите сега контроверзно си ги менуваат правилата и ги толкуваат како што им одговара.
„Не можете да го блокирате движењето на друг играч кога сте во напад. Мора да примените одредени принципи во одбрана, а тоа се прави следејќи ги правилата. Во одреден момент тие ги менуваат правилата и треба да се прилагодите. Не може судиите сами да си ги менуваат правилата и да ги толкуваат на свој начин“, бесен е Артета.
Манчестер Сити денеска на „Итихад“ ја прекува Астон Вила.
