Англискиот премиерлигаш Арсенал ќе се обиде да се засили со фудбалер од Ла Лига. Менаџерот на „топчиите“, Микел Артета, му фрли око на фудбалерот од средниот ред на Валенсија, Карлос Солер и сака да го доведе на „Емирати“.
24-годишниот фудбалер имаше одлични настапи во дресот на Валенсија, а многу често умее да се запише и во листата на стрелците. Тој на 13 натпревари во сите конкуренции, постигна шест гола и забележа пет асистенции. За него Арсенал е подготвен да плати 30 милиони фунти. Тој има договор со Валенсија до јуни 2023 година.
