Арсенал се обидува да го засили тимот за новата сезона во Премиер – лигата. Менаџерот Микел Артета воспостави контакт со играчот за врска на Реал Сосиедад, Микел Мерино. Тој беше стрелец на сензационалниот гол за Шпанија во четвртфиналето на ЕВРО 2024, кога во 119.минута донесе триумф за „црвената фурија“ против Германија.
Се очекува 28-годишниот фудбалер да го напушти шпанскиот клуб овој месец бидејќи му останува само една година од договорот. Реал Сосиедад бара 27,5 милиони фунти.
Во последните пет години, играчот за врска пропушти само 13 натпревари за својот сегашен клуб. Микел Артета смета дека тој би бил одлично засилување за „топчиите“.
