Арсенал се вклучи во трката за Мејсон Маунт

Арсенал разговарал со Челси за играчот од средниот ред на „сините“, Мејсон Маунт. Тој е меѓу кандидатите да го замени Гранит Џака, кој најверојатно ќе ги напушти „топчиите“ на лето.

Иднината на Мејсон Маунт на „Стемфорд бриџ“ останува нејасна бидејќи неговиот актуелен договор истекува во 2024 година, а покрај Арсенал, интерес за Англичанецот истакна и Ливерпул.

Други опции за засилувања во средниот ред на тимот на Микел Артета се Моисес Каиседо и Деклан Рајс.