Англискиот вицешампион Арсенал е заинтересиран за младиот играч на Јувентус, Кенан Јилдиз, но двата клуба преговараат околу неговата цена. 18-годишниот талент оваа сезона веќе забележа 15 настапи за италијанскиот гигант и постигна три гола во Серија А.
Напаѓачот, исто така, веќе има забележано три настапи за турската репрезентација и важи за идна суперѕвезда на европскиот фудбал. Ова го поттикна Арсенал, кој заедно со Ливерпул и Манчестер Јунајтед, беше заинтересиран за трансфер на Јилдиз и во текот на летото.
Според турскиот весник „Аксам“, клубот од северен Лондон се подготвува да понуди 34 милиони фунти за напаѓачот, кој помина една година како тинејџер во Баерн Минхен пред да се пресели во Торино во 2022 година.
Сепак, се чини дека таа сума е помала за околу 17 милиони фунти што ја постави Јувентус.
„Бјаконерите“ сакаат околу 51 милион фунти за својот играч со оглед на неговата разновидност на теренот. Јилдиз може да игра подеднакво добро како играч од средниот ред, во врвот на нападот и на крилните позиции.
