Арсенал, клубот од англиската Премиер – лига, има интерес за Лирој Сане, според германското издание „Билд“. Крилниот напаѓач на Баерн Минхен е еден од потенцијалните трансфери за лондонскиот тим следното лето.
Менаџерот Микел Артета ги цени квалитетите на Сане, со кого работеше за време на заедничкиот период во Манчестер Сити.
Ако одлучи да го напушти Баерн, Арсенал би можел да биде сериозна опција за Лиурој Сане, во споредба со Њукасл кој исто така е заинтересиран за негов ангажман.
Лирој Сане моментно има договор со Баерн Минхен кој истекува во летото 2025 година, а клубот работи на негово продолжување за да избегне можно заминување без отштета.
