Арсенал подготвува изненадувачка понуда за еден од најважните играчи на Челси во последните години, Нголо Канте. Одличниот Французин би можел да остане во Лондон, но од „Стемфорд бриџ“ да се пресели на „Емирати“.
Челси објави дека Канте и Лофтус Чик ќе ја пропуштат турнејата во САД затоа што не се вакцинирани.
Канте има договор со „сините“ за уште 12 месеци и се уште нема најави за продолжување на соработката. Тоа им дава надеж на „топчиите“ дека ќе можат да го реализираат трансферот бидејќи Артета е во потрага по квалитетен играч за врска.
31-годишниот Канте минатата сезона одигра 42 меча за Челси во сите натпреварувања и беше еден од најважните играчи кај Тухел.
