Англискиот премиерлигаш Арсенал е заинтересиран за офанзивецот на Лион, Лукас Пакета. Тоа го потврди и претседателот на Лион, Жан Мишел Аулас, кој истакна дека Пакета би можел да го напушти тимот ова лето.
„Имаме понуди за Лукас. Има играчи кои се целосно задоволни од нашиот проект, но има и такви кои не се задоволни од нешто. Освен тоа, имаме и економски потреби, за да ги реализираме нашите идеи и да ги постигнеме нашите цели“, изјави Аулас за „Скај спортс“.
Во сезоната 2021/22, Лукас Пакета постигна 11 гола за Лион и забележа седум асистенции на 43 натпревари во сите натпреварувања. Неговата вредност во моментот се проценува на 35 милиони евра.
