Арсенал го победи Манчестер Јунајтед со 2-0 во дерби дуелот на „Емирати“. Микел Артета го надмудри Рубен Аморим и му покажа дека сепак нема да му биде така лесно во Премиер – лигата.
„Топчиите“ ја добија битката во воздухот и погодија двапати преку своите дефанзивци.
Јуриен Тимбер во 54.минута го отвори резултатот, а Вилијам Салиба го потврди триумфот со голот во 73.минута од мечот.
Астон Вила славеше против Брентфорд со 3-1. Роџерс, Воткинс и Кеш донесоа убедливо водство по првиот дел, а Дамсгард во 54.минута го постигна единствениот гол за Брентфорд.
