Менаџерот на Арсенал, Микел Артета, е многу загрижен поради честите повреди на играчот од средниот ред Томас Парти и смета дека тимот мора да се засили во средниот ред. Идејата на Шпанецот е да го доведе играчот за врска на Астон Вила, Даглас Луис.
Бразилецот ова лето беше интерес на „топчиите“, за него беа доставени две понуди, но и двете беа одбиени од Астон Вила.
Арсенал сега е решен да се обиде повторно на зима да го доведе, а цената ќе биде значително пониска, бидејќи Даглас Луис станува слободен играч по завршувањето на сезоната.
Се верува дека „топчиите“ се подготвени да понудат 15 милиони фунти.
