Арсенал го победи Манчестер Јунајтед на „Емирати“ со 3-1 со два гола во судиското продолжение. Тимот на Микел Артета со тоа стигна до третиот триумф во Премиер – лигата оваа сезона.
„Топчиите“ имаа пеколен финиш. Деклан Рајс во 96.минута постигна водечки гол за 2-1, а Габриел Жесус во 101.минута го потврди триумфот.
Манчестер Јунајтед поведе со голот на Маркус Рашфорд во 27.минута, но возврати Мартин Одегард само една минута подоцна.
Букајо Сака во вториот дел имаше одлична шанса, но Андре Онана одбрани на гол-линијата, а Гарначо постигна погодок, но не беше признат поради офсајд ситуација.
