Арсенал е подготвен да го продаде Николас Пепе во летниот преоден рок и со тоа да го признае големото трансферно промашување. Англиските медиуми пишуваат дека „топчиите“ немаат ништо против да го ослободат репрезентативецот на Брегот на Слоновата Коска за сума од 25 милиони фунти пред неговата вредност уште повеќе да падне.
Арсенал пред три години го донесе Пепе од Лил за рекордни 80 милиони евра, а тој повеќе од шест месеци не е во стартниот состав на „топчиите“ во Премиер – лигата и не е во долгорочните планови на менаџерот Микел Артета.
Арсенал е подготвен да ги слушне понудите за фудбалерот кој заработува 8,3 милиони евра годишно.
