Македонија има фудбалски великан во Горан Пандев. Тоа најмногу се гледа од почитта што кон него ја имаат ривалите.
Напаѓачот на австрискиот национален тим, Марко Арнаутовиќ, има само пофални зборови за „Гранде Пандев“.
„Пандев ми е многу добар пријател. Многумина прерано го отпишаа поради неговите години, но тој на теренот покажува дека се уште игра одлично, како момче. Нема да биде лесно против Македонија. Знаеме дека се опасен тим, нема да не залаже тоа што двапати ги победивме претходно. Овој натпревар ќе биде многу поразличен од тие дуели“, изјави Арнаутовиќ.
Македонија и Австрија ќе се сретнат утре на Националната арена во Букурешт, со почеток во 18 часот.
