Црвена Звезда оствари голем триумф (1-0) против Лил во Белград и стигна до првата победа во Лига Европа оваа сезона. Херој на мечот беше Марко Арнаутовиќ, кој погоди д пенал во 85. минута и ги задржа шансите на српскиот првак за пласман понатаму. Пеналот го изнуди Мирко Иваниќ.
Динамо Загреб го доживеа првиот европски пораз оваа сезона во Лигата на Европа. „Модрите“ на свој терен беа совладани од Селта Виго со убедливи 0-3, а сè беше решено уште во првото полувреме.
Херој на натпреварот беше Пабло Дуран, кој приреди вистинско шоу на „Максимир“. Напаѓачот на Селта постигна хет-трик во 4., 28. и 44. минута, носејќи му големи три бода на својот тим и искачување во горниот дел од табелата.
Базел дома го совлада романскиот ФЦСБ со 3-1, Митјиланд беше подобар од Селтик со истиот резултат (3-1), а Панатинаикос славеше на гости кај Малме со 0-1. Салцбург го победи Го Ахед Иглс со 2-0.
Без победник завршија мечевите Утрехт – Порто (1-1) и Штурм Грац – Нотингем Форест (0-0).
