Барселона загуби со 1-0 од Реал Сосиедад, а објаснувањето е едноставно – тимот на Ханси Флик не упати ниту еден точен удар кон голот на противникот. Ова не им се случило на каталонците во Ла Лига повеќе од 10 години.
Така, Барса го повтори антирекордот од септември 2014 година против Малага (0-0).
Против Реал Сосиедад, фудбалерите на каталонскиот гигант упатија 11 удари кон голот на противникот, но ниту еден од нив не беше во рамките на голот. Во 13. минута, голот на Роберт Левандовски беше поништен поради минимална офсајд ситуација.
