Поранешниот француски репрезентативец Тиери Анри упати критики кон својот сонародник Килијан Мбапе за неговите игри во дресот на Реал Мадрид. Напаѓачот пристигна на „Сантијаго Бернабеу“ со големи очекувања, но засега не ги оправдува.
Според Анри, Мбапе ќе се подобри, бидејќи не може да игра послабо од тоа што го покажа досега.
„Мислам дека тимот е разочаран од него. Го разбирам тоа, бидејќи не е лесно. Потребно е да му дадеме време, но во меѓувреме, тој мора да научи како да игра како „деветка“, да има желба да се посвети на тимот“, изјави Анри.
„Белингам се обидува да го прави она што сега се очекува од Мбапе. Секогаш ја презема таа задача, тој е оној што се обидува да ги пробие линиите на противникот. Знам дека Мбапе не е централен напаѓач и дека сегашната позиција на теренот не му е омилена, но немојте да мислете дека и на Белингам му е драго што мора да се вража назад и да ја земе топката“, вели легендарниот Французин.
„Не мислам дека Реал игра добро како тим. Мбапе не е добар ни со топката. Ќе се подобри, бидејќи не може да биде послаб од ова што го покажува досега. Не бараат од него да ја задржува топката како Дидие Дрогба, не му бараат да ги снабдува сите со топки, но мора да атакува силно кога тимот ја поседува топката. Дури и Рудигер го правеше тоа подобро од него во првото полувреме против Милан“, смета Анри.
Според него, Реал Мадрид многу го чувствува отсуството на играч како Тони Крос, кој обезбедувал баланс во тимот. Родриго, исто така, беше многу важен минатата сезона, особено во моментите кога тимот ја губеше топката.
