Тренерот на Реал Мадрид, Карло Анчелоти, зборуваше за настапот на новото засилување во тимот, Ендрик, по пријателскиот натпревар со Милан, кој „кралевите” го загубија со 0-1. Младиот Бразилец беше стартер и беше заменет на полувремето, а ова беше неговиот дебитантски натпревар.
„Ендрик ги покажа своите квалитети во неколку моменти. Има нешто посебно во него. Тој е во состојба да постигне максимална брзина, многу е вешт. Многу ретко се наоѓа таков играч“, изјави Анчелоти.
Ендрик се приклучи на Реал Мадрид од Палмеирас пред само неколку дена за 47,5 милиони евра. Договорот на играчот со клубот е до 2030 година.
Минатата сезона тој одигра 22 натпревари, на кои постигна четири гола и забележа две асистенции.
