Тренерот на Реал Мадрид, Карло Анчелоти, откри дека „кралскиот клуб“ планира да доведе нов квалитетен голгетер во летниот преоден рок.
„Треба да ангажираме напаѓач во блиска иднина. Ова го велам затоа што Карим Бензема веќе е во зрела фудбалска возраст. Сепак, му оди многу добро. Никогаш не сме имале проблеми со тоа“, изјави Анчелоти.
Актуелниот договор на Бензема со клубот е до летото 2023 година. Бензема (35) одигра 35 натпревари за Реал Мадрид оваа сезона, постигнувајќи 31 гол и осум асистенции.
