Фудбалерите на Реал Мадрид вечерва против египетскиот тим Ал Ахли ќе играат во полуфиналето на Светското клупско првенство.
„Кралевите“ не се во најдобар момент, загубија од Мајорка во Ла Лига, а тренерот Карло Анчелоти го нема на располагање комплетниот тим. За Мароко не отпатуваа Тибо Куртоа, Карим Бензема, Едер Милитао, Ферлан Менди и Лукас Васкез.
„Тие се организиран и квалитетен тим, со богата историја и голема армија навивачи. Очекувам неизвесен натпревар, но секако дека се надеваме на победа“, изјави тренерот на Реал Мадрид.
Прв финалист на Светското клупско првенство е Ал-Хилал од Саудиска Арабија кој синоќа го изненади бразилскиот Фламенго со триумфот од 3-2.
