Манчестер Сити ја оствари втората победа во Премиер – лигата откако славеше на „Итихад“ против Њукасл со 1-0. Иако тимот на Пеп Гвардиола има неверојатно згуснат распоред, пред три дена го освои Суперкупот на Европа, сепак, забележа нов успех и во англискиот шампионат.
Предизвикот беше сериозен, затоа што на гости дојде Њукасл. Но, „граѓаните“ го најдоа патот до победата.
Стрелец на победничкиот гол беше Хулијан Алварез во 31.минута, на асистенција на Фил Фоден.
