Македонскиот репрезентативец Езџан Алиоски и неговиот клуб Ал-Ахли Џеда постигнаа историски успех освојувајќи ја титулата во азиската Лига на шампиони.
Во финалето одиграно во Џеда, Ал-Ахли со леснотија го совлада јапонскиот тим Кавасаки Фронтале со резултат 2-0. Двата гола беа постигнати во првото полувреме – Галено го отвори резултатот со вистинско ремек-дело во 35. минута, а Франк Кеси го зголеми водството, додека Роберто Фирмино беше двоен асистент.
Алиоски го одигра целиот натпревар на својата стандардна позиција – лев бек – и со тоа стана третиот македонски фудбалер кој ја освоил азиската ЛШ, по Саша Огненовски и Стевица Ристиќ.
