Фудбалската репрезентација на Македонија е пред најголемиот предизвик. На еден натпревар до пласман на мундијалот, а последната пречка е Португалија, поранешниот европски првак.
Езгјан Алиоски вели дека Македонија е подготвена за најголемото искушение.
“Се уште не сме направиле ништо. Да, голем успех е што ја елиминиравме Италија, но крајна цел на ова натпреварување е да се пласираме на Светското првенство. Португалците се одлична репрезентација, но ние сакаме да играме на мундијалот и ќе сториме се за да ја оствариме целта. Можеби тоа ќе влијае на одличната кариера на Роналдо, но секој сака да биде дел од СП”, изјави Езгјан Алиоски.
