Саудискиот клуб Ал-Наср официјално го објави потписот на левиот бек Алекс Телјес, кој пристигна од Манчестер Јунајтед. Двата клуба не објавија финансиски детали од зделката, но најверојатно англискиот гигант добил 4 милиони фунти плус бонуси, а бразилскиот интернационалец потпишал тригодишен договор со плата од 7 милиони фунти по сезона.
Така, Телјес ќе има можност повторно да игра со суперѕвездата Кристијано Роналдо, откако двајцата беа соиграчи во тимот на „црвените ѓаволи“ во сезоната 2021/22.
Бекот пристигна на „Олд Трафорд“ есента 2020 година со трансфер од Порто вреден 15 милиони евра. Сепак, во тимот на Јунајтед одигра само 50 натпревари и постигна еден гол и осум асистенции.
30-годишниот фудбалер минатата сезона ја мина на позајмица во Севилја.
