Против Фросиноне во Копа Италија, тренерот Масимилијано Алегри го забележа својот 400. натпревар на кормилото на Јувентус. Само Марчело Липи (405) и Џовани Трапатони (596) имаат повеќе средби како тренери на „бјанконерите“.
Фудбалерите се потрудија да му го разубават јубилејот и победија со 4-0.
„Благодарност до момците за одличната изведба, тие се забавуваа и ја израдуваа публиката. Треба да се фокусираме на сегашноста и на блиската иднина. Имаме одличен противник во полуфиналето во Лацио во април, но претходно мора да се фокусираме на Серија А“, изјави Алегри.
Под водство на Алегри, тимот на Јувентус има 265 победи (66%).
