Академија Пандев загуби на гостувањето од Беласица во Петрич

Фудбалерите на Академија Пандев го загубија првиот пријателски натпревар за време на зимските подготовки. „Пандевци“ на гостувањето во Петрич загубија од бугарскиот третолигаш Беласица со 2-0 (1-0).

Резултатот го отвори Жустино Мендеш уште во 6. минута, а конечните 2-0 за Беласица Петрич ги постави Мохамед Кисе во 60. минута.

За Академија Пандев настапија и најновите засилувања Бугаринот Гранчев и Ндуе Мујеци.