Академија Пандев поразена од ЦСКА 1948

Фудбалерите на Академија Пандев доживеаја пораз (3-1) од бугарскиот тим ЦСКА 1948 во пријателски меч одигран во Банско. Голот за „пандевци“ беше дело на Митровски во 69. минута за намалување на резултатот на 2-1.

Според извештаите во бугарските медиуми, ЦСКА била подобар тим, а стрелци на головите беа Октавио Мантека во десеттата минута, Александар Колев во 59.минута и Георги Русев во 87.минута од дуелот.