Македонскиот прволигаш Академија Пандев доби убава лекција од српскиот првак Црвена Звезда. Загуби со 0-5 на пријателскиот натпревар во Анталија и увиде дека има уште многу, многу да се работи за да се достигне некое европско квалитативно ниво.
Академија Пандев имаше сили за вистински отпор до 40.минута. Тогаш Милан Павков го отвори резултатот во корист на „црвено-белите“. Вељко Николиќ зголеми на 2-0 во 54.минута, третиот гол беше дело на Мирко Иваниќ, а италијанскиот интернационалец Диего Фалчинели во 84. и во 88.минута стрелаше уште двапати за конечни 5-0.
