Аргентинскиот интернационалец Серхио Агуеро дојде во Барселона за да игра заедно со својот најдобар пријател Лионел Меси, но доживеа шок кога тој мораше да си замине во Пари Сен Жермен. Барселона не можеше да го лиценцира Меси поради големите долгови и натрупаниот буџет за годишни плати на фудбалерите, а тоа го урна и сонот на Агуеро да заигра во ист дрес со него.
Во меѓувреме, Агуеро се повреди и ќе паузира речиси три месеци, а тој веќе ја разгледува опцијата за да си замине од „Камп Ноу“ во зимскиот преоден рок. За него се заинтересирани неколку клубови од МЛС – лигата и тој би можел да го прифати предизвикот за да замине во Америка.
