Адама Траоре се врати во Вулверхемптон откако Барселона, каде што Шпанецот играше како позајмен во втората половина од минатата сезона, ја одби опцијата да ги откупи неговите права.
Кога Траоре беше претставен во јануари, претседателот Жоан Лапорта рече дека планот е Барса да го купи играчот на лето, но тоа очигледно се промени.
Вчера Вулверхемптон објави дека Траоре се вратил во базата на „волците“.
Барселона сигурно ќе бара нови крилни играчи по заминувањето на Адама Траоре, а иднината на Осман Дембеле се уште е нејасна. Каталонците прават се за да го ангажираат крилниот напаѓач на Лидс, Рафиња, и покрај тоа што неговиот клуб веќе ги договорил условите со Челси.
