Тренерот на ПСЖ, Луис Енрике, го сподели своето мислење за напаѓачот на Пари Сен Жермен, Килијан Мбапе, кој синоќа на „Паркот на принцовите“ се збогува со фановите на клубот.
„Беше чест да се биде тренер на Килијан Мбапе. Тој секогаш беше идеал – пример за следење. Не можам да кажам ништо лошо за него. Немам ниту една поплака. Неговото однесување беше едноставно одлично“, ја цитира „Канал+“ изјавата на тренерот.
На 10 мај напаѓачот објави дека ќе го напушти ПСЖ по завршувањето на оваа сезона.
Мбапе оваа сезона одигра 47 натпревари за ПСЖ, постигнувајќи 44 гола и 10 асистенции.
