Манчестер Сити нема да брза со одлуката за иднината на португалскиот играч за врска Бернардо Силва, пренесуваат медиумите на Островот.
29-годишниот фудбалер има договор со Манчестер Сити до летото 2026 година, но постои голема можност летово да се раздели со клубот.
Според информациите, шефовите на Манчестер Сити и фудбалерот ќе разговараат за ситуацијата по Европското првенство во Германија на лето.
Во тековната сезона Бернардо Силва досега одигра 45 натпревари за Манчестер Сити на кои постигна 11 гола и забележа шест асистенции.
