Мароканскиот играч за врска Хаким Зијеч ќе остане во Галатасарај и следната сезона. 31-годишниот офанзивец досега настапуваше во Истанбул како позајмен од Челси. Турскиот клуб ја искористил откупната клаузула во договорот и ја активирал, пишуваат медиумите од оваа земја.
Договорите меѓу двата клуба се веќе потпишани, а клубот од „Стемфорд Бриџ“ ги испратил потребните документи за финализирање на зделката.
Зијеч минатото лето се пресели во Галатасарај. За турскиот гигант одигра 21 натпревар во сите натпреварувања, постигнувајќи осум гола и четири асистенции.
