Тренерот на Пари Сен Жермен, Луис Енрике, беше уништен по поразот од 1-0 во реваншот со Борусија Дортмунд, по што неговиот тим е елиминиран во полуфиналето на Лигата на шампионите. Тој сметаше дека поразот не е фер со оглед на перформансите на неговиот тим, кој четири пати ја погоди стативата во текот на натпреварот. Сепак, Шпанецот им посака успех на Германците во финалето.
„Да бидам искрен, мислам дека заслуживме да победиме. Имавме 31 удар, четири шута кон голот. Всушност, на двата натпревари имавме вкупно шест удари, но никогаш не постигнавме гол. Понекогаш фудбалот е неправеден. Честитки за Борусија Дортмунд, тие се одличен тим и се надевам дека ќе победат во финалето“, изјави Луис Енрике.
„Среќен сум со она што го видов од мојот тим. Играчите дадоа сѐ од себе. И навивачите беа неверојатни. Се надевам дека ова единство ќе продолжи и во иднина. Сакам играчите секогаш да ги испотат своите дресови. Ми се допадна нашиот настап во првото полувреме во двата натпревари. Генерално, не разговарам со играчите по натпревар, но сега направив исклучок. Разговарав со секој од нив поединечно. Важно е да знаат да како да се однесуваат кога ќе победуваат, но и кога ќе загубат. На крајот на краиштата, тие се пример и за децата“, заклучи тренерот на ПСЖ.
