Македонските прволигаши Тиквеш и Брера испратија заедничко соопштение во кое потенцираат дека двата клуба негуваат долгогодишно пријателство и соработка и инцидентот меѓу двајцата фудбалери пред клупскиот автобус на Брера, по завршувањето на неделниот меч во Кавадарци, треба да биде надминат и заборавен.
Во соопштението се вели:
„ГФК “ТИКВЕШ 1930”АД-Кавадарци и ФК “АП Брера”-Струмица со заедничко соопштение ја информираат јавноста после информациите за инцидентот помегу два фудбалери по натпреварот од 26 коло од Првата Македонска фудбалска лига.
,,За жал вистина е дека после завршен натпревар, пред клупскиот автобус на Брера-Струмица дојде до непријатна сцена, по која двајцата фудбалери даваа изјава во полиција за случајот.
Како два фудбалски клуба кои негуваат дологодишно пријателство и соработка, но и како градови Кавадарци и Струмица, осудуваме било какво недолично однесување, независно дали е вербално или физичко, посебно кога доаѓа од играчи, фудбалери, кои мора да бидат пример на младите и сите навивачи.
Ние како учесници во најмасовниот и најгледаниот спорт, ја имаме таа привилегија, но и голема одговорност кон младите за нивното формирање и разбирање на спортот и тоа мора да го разберат сите кои се дел од фудбалот во Македонија.
За жал, во денешното општество каде вербалното и физичкото насилство понекогаш го превзема приматот, сакаме преку оваа заедничко соопштение да испратиме порака за заедништво, одговорност и да се радуваме на нови спортски настани во Кавадарци и Струмица“.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski