Португалската легенда Луиш Фиго даде интервју за шпанското издание „Марка“ во кое го опиша својот сонародник Кристијано Роналдо како „животно“.
Фиго доби прашање дали е изненаден што Роналдо сè уште е репрезентативец на Португалија и покрај тоа што наполни 39 години пред речиси два месеци.
„Тој е животно! Најконкурентниот фудбалер што сум го видел. После мене… Само се шегувам, се разбира. Роналдо продолжува да постигнува голови и секогаш ќе дава. Многу сум среќен за него бидејќи ќе ја заврши кариерата како фудбалер кој постигна решавачки голови за големите тимови“, изјави Фиго.
