Јапонските власти бараат 3,5 милиони евра од Андрес Иниеста, откако беше откриено дека тој уредно не ги пријавил сите приходи за време на престојот во земјата и не платил данок на нив. Поранешниот играч за врска на шпанската репрезентација и една од иконите на Барселона, беше член на Висел Кобе од 2018 до 2023 година.
Иниеста си замина од Висел со три трофеи, меѓу кои и за најдобриот тим во јапонскиот шампионат минатата година. За тој клуб одигра вкупно 134 натпревари, со 26 гола и 25 асистенции.
Андрес денеска како 39-годишен фудбалер го носи дресот на Емирати, клуб кој е во зоната за испаѓање во фудбалскиот шампионат на Обединетите Арапски Емирати.
