Претседателот на Барселона, Жоан Лапорта, увери дека не му завидува на големиот ривал Реал Мадрид за претстојниот супертрансфер на Килијан Мбапе. Уште повеќе, првиот човек на каталонскиот клуб смета дека ангажманот на Французинот може да доведе до недоразбирања во соблекувалната на „кралевите“.
Покрај тоа, Реал Мадрид најверојатно при таквиот развој на настаните ќе мора да продаде некој од сегашните напаѓачи.
„Не, воопшто не му завидувам на Реал Мадрид за Килијан Мбапе. Исто така, сè уште не знам дали ќе го ангажираат или не. Ќе видиме. Имам некоја интуиција. Мислам дека ќе имаат проблеми. Мора да продадете некого ако доаѓа Мбапе, нели? Затоа што двајца квалитетни фудбалери не можат да играат на иста позиција. Читав и за бројките што се споменуваат. Тие сигурно ќе предизвика метеж во соблекувалната. Ова не е подарок“, изјави Лапорта за „Мундо Депортиво“.
