Полскиот интернационалец Роберт Левандовски на лето најверојатно ќе ја напушти Барселона. Иако има договор за уште две сезони, сепак, раководството на клубот не е најзадоволно од неговите игри оваа сезона. Тоа значи и дека е можна разделба, а шпанските медиуми најавуваат вистинска „бомба“.
Левандовски од Барселона би се преселил во Мадрид и би го облекол дресот на Атлетико.
Не е тоа веќе табу тема, Антоан Гризман замина и во двата правци и сега повторно е дел од Атлетико, во минатото и Луис Суарез дојде од Барса во мадридскиот тим, а имаше и спротивни примери, како Арда Туран.
Роберт Левандовски дојде во Барселона летото 2022 година од Баерн Минхен за 45 милиони евра. Минатата сезона беше одличен и даде полн придонес во освојување на трофејот во Ла Лига, но оваа сезона не може да ја пронајде голгетерската форма.
Во овој момент, Жоао Феликс е фудбалерот кој од Атлетико Мадрид игра како позајмен во Барселона, а постигна и гол на дербито (0-3) на „Ванда Метрополитано“.
