Во Трабзон се случија неверојатни сцени и потполн хаос по натпреварот меѓу домашната екипа и Фенербахче. Домашните хулигани ги нападнаа фудбалерите на Фенербахче и на теренот се случи вистинска ММА тепачка.
Гостите од Истанбул на теренот славеа победа. Ова очигледно ги револтираше домашните навивачи кои решија да истрчаат на теренот и физички да се пресметаат со нив.
Следеа сцени на целосен хаос во кои дури и играчите на Фенербахче останаа без одговор. Тие едноставно мораа да се одбранат од хулигански напад.
Нигериецот Брајт Осај-Самуел и Мичи Батшуаи ги покажаа своите боксерски способности.
По хаосот, коментар даде и Енис Барди.
„Би сакал да зборуваме за фудбал бидејќи ние сме фудбалери, ова што го правиме на теренот ни е работа. За жал, се случија лоши работи во финишот, но сметам дека никој не треба да провоцира на начин на кој што тоа го направија фудбалерите на Фенербахче. Тие провоцираа со прославата на теренот, по што навивачите реагираа и влетаа… Третиот гол на Фенербахче беше постигнат по чист прекршок на гостите, не разбирам зошто не беше досуден“, изјави Барди.
