Владимир Петковиќ денеска е назначен за нов селектор на фудбалската репрезентација на Алжир.
Стратегот од Босна и Херцеговина ќе го наследи Џамел Белмади на селекторската позиција на Алжир, кој доби отказ по дебаклот и испаѓањето во групната фаза на неодамна завршениот Африкански куп на нации.
Петковиќ беше селектор на Швајцарија од 2014 до 2021 година и многу успешно ја водеше таа репрезентација. Потоа го презеде францускиот Бордо каде не се задржа долго, а сега се враќа во репрезентативниот фудбал и ќе има задача да ги однесе Алжирците на Мундијалот во 2026 година.
Следното африканско првенство е летото 2025 година во Мароко, па Петковиќ тогаш ќе дебитира на големо натпреварување со оваа селекција.
