Баер Леверкузен ја обезбеди и 19. победа во Бундес-лигата оваа сезона откако на домашен терен го победи Мајнц со 2-1. Тимот на Чаби Алонсо не знае за пораз од стартот на сезоната и сега има големи 11 бодоби предност во однос на Баерн Минхен, но и еден одигран натпревар повеќе.
Гранит Џака постигна фантастичен гол во третата минута со удар од 20 метри, но израмни Доминик Кор само пет минути подоцна.
Победничкиот гол за Баер Леверкузен беше дело на Андрих во 68.минута, но во голем дел беше и подарок од гостинскиот голман Робин Центнер кој очајно реагираше.
Од 80.минута, Мајнц играше и со фудбалер помалку поради исклучувањето на Џесик Нганкам.
