Напаѓачот на Милан, Лука Јовиќ, доби суспензија од два натпревари поради црвениот картон на мечот со Монца.
Во неделата Милан беше поразен од Монца со 4-2 во 25. коло од Серија А, а српскиот фудбалер кој беше стартер доби црвен картон во 53. минута откако го удри Армандо Ицо. Во тој момент резултатот беше 2-0 за Монца.
Поради овој потег Србинот се најде во фокусот на вниманието на италијанските медиуми.
Италијанската дисциплинска комисија одлучи да го суспендира Јовиќ за натпреварите со Аталанта и со Лацио.
Јовиќ оваа сезона постигна седум гола за Милан во сите натпреварувања.
Милан е третопласиран на табелата во Серија А со 52 бода, што е 11 помалку од лидерот Интер, со меч повеќе, а два помалку од второпласираниот Јувентус.
