Алфонсо Дејвис е голема желба на Реал Мадрид, но неговиот агент денеска се сретна и со Барселона. Претставникот на канадскиот репрезентативец бил на состанок со Реал, но, потоа заминал од Мадрид и во Барселона.
Звучи дека ова е потег со кој сака да изврши притисок врз Реал Мадрид, бидејќи веќе е познато дека Дејвис долго време преговара со „кралскиот клуб“.
Алфонсо Дејвис сака да го напушти Баерн Минхен, тој има договор до летото 2025 година и претстојното лето е последна шанса за германскиот клуб да заработи од неговиот трансфер.
Интересно е и тоа што Дејвис како момче сонувал да игра за Барселона, дека бил блиску до доаѓање како тинејџер, но во 2019 година бил одбиен од тогашниот претседател Хосеп Марија Бартомеу.
Дејвис зборуваше за тоа во неколку интервјуа, како и дека Лионел Меси отсекогаш му бил идол, што ја потврдува неговата наклонетост кон каталонскиот клуб.
Сепак, Реал Мадрид се чини дека е фаворит во оваа трка, бидејќи сака нов лев бек и има многу повеќе пари за трошење во моментот. Баерн Минхен ќе го пушти Дејвис да си замине за сума од околу 50 милиони евра.
